Apeli i Soreca për reformën, Basha: Kushdo që minon garancitë për standardet zgjedhore s’e do integrimin

Kreu i Partisë Demokratike, Lulzim Basha shpërndau më Tëitter qëndrimin e kreut të Delegacionit të BE në Tiranë, Luigi Soreca, për reformën zgjedhore.

“PD dhe Opozita e Bashkuar janë të vendosur për kontributin tonë për zgjedhje të lira dhe të ndershme. Ato janë në interesin më të mirë të Shqipërisë. Kushdo që minon garancitë për standardet zgjedhore nuk do zgjedhje demokratike dhe as integrimin europian te Shqipërisë”, shkruan kryedemokrati.

Një ditë më parë Kreu i delegacionit të Bashkimit Evropian në Tiranë, Luigi Soreca përshëndeti progresin e arritur nga partitë politikë në reformën zgjedhore, dhe bëri apel për përmbylljen e saj deri në fund të këtij muaji.

Sipas ambasadorit të BE-së, miratimi i kësaj reforme do t’i hapë rrugë Shqipërisë në procesin e anëtarësimit në Bashkimin Evropian.

“Është e rëndësishme që të arrihet progres në reformën zgjedhore në tryezën e Këshillit Politik. Ne mirëpresim sjelljen konstruktive që kanë ndërmarrë të gjitha palët dhe i ftojmë që të vazhdojnë punën me qëllimin për të arritur një marrëveshje deri më 31 maj. Kjo do t’i lejojë Shqipërisë të ecë përpara në procesin e anëtarësimit në BE”, shprehet ambasadori.

Mund të lexoni gjithashtu:

Gjiknuri: Opozita nuk ka propozuar asgjë për ndryshimin e sistemit

Reforma zgjedhore, Yuri Kim jep porositë e fundit: Askush s’do marrë gjithçka që dëshiron, të mbyllet brenda afatit