Tensione në Kuvendin e Kosovës

Është tensionuar situata në seancën e sotme plenare të Kuvendit të Kosovës.

Ndërsa, kryetari i Kuvendit Glauk Konjufca, së bashku me deputetët e partisë në pushtet, kanë vijuar me zgjedhjen e dy anëtarëve të Gjykatës Kushtetuese, deputetët opozitarë nga radhët e PDK-së e kanë penguar nisjen e procesit të votimit.

Kësaj here, përveç zhurmës dhe goditjeve të tavolinave, shefi grupit parlamentar të PDK-së, Abelard Tahiri u ngrit dhe largoi kutitë e votimit për anëtarët e Kushtetueses. Kjo nxiti reagimin edhe të deputetëve të mazhorancës duke krijuar tension me tyre.

Nga ana tjetër, për të zbutur gjakrat, kryetari i Kuvendit ftoi shefat e grupeve parlamentare në takim dhe seanca plenare shkoi në pauzë deri në orën 14:00.

LEXONI GJITHASHTU:

• Kurti: Vuçiç nuk distancohet as nga Millosheviçi, as nga Putini