Rusët nisin zmbrapsjen nga Kharkivi i rrafshuar

Kur kishin kaluar tre javë nga nisja e pushtimit, forcat ruse kishin goditur një duzinë godinash historike në Kharkiv, përfshirë strukturat e epokës sovjetike të tij.

Qyteti në lindje të Ukrainës është i famshëm për trashëgiminë e tij arkitekturore. Rajoni ku ai bën pjesë ka qenë pjesërisht i pushtuar, por tani ukrainasit kanë nisur të zmbrapsin trupat ruse në përpjekje për ta çliruar atë.

Në të njëjtin rajon, banorët e fshatit Zoloçiv kanë denoncuar se sulmet ruse në zonë kanë bërë që banesat e tyre të rrafshohen.

Deri tani në fshat llogariten mbi 700 shtëpi të prishura.

Ndërkohë, Ministria ruse e Mbrojtjes deklaroi të premten se ushtarët ruse kishin shpërndarë një tjetër stok ndihmash humanitare në Kharkiv, në kuadër të atij që vijon ta quajë “operacioni ushtarak special”.

Por nga ana tjetër, ato po përpiqen të pushtojnë zonën e Iziumit, për të avancuar drejt Slovjanskut dhe Kramatorskut. Por rezistenca ukrainase është e fortë.

LEXONI GJITHASHTU:

• ‘Rezistojmë deri në plumbin e fundit’, ukrainasit refuzojnë të lënë Azovstalin
• Zelenski: Rusia mendon se nuk do ndëshkohet pasi ka armë bërthamore