Mbretëria e Bashkuar: S’ka viza për fëmijët ukrainas që udhëtojnë pa një prind

Qeveria Britanike ka ndërprerë aplikimet e vizave për të miturit ukrainas të pashoqëruar që ikin nga pushtimi rus sepse ende nuk kanë vendosur se si t’i trajtojnë këto, ka thënë një avokat i emigracionit.

Këshillat aktuale të qeverisë për skemën ‘Homes For Ukraine’ thonë se personat nën 18 vjeç “duhet të aplikojnë si pjesë e një njësie familjare që përfshin prindin ose kujdestarin e tyre ligjor” për t’u kualifikuar, raporton Sky News.

Ky udhëzim nuk u shfaq në faqen zyrtare të Qeverisë Britanike (gov.uk) deri në mesin e prillit, derisa skema u shfaq në 18 mars, duke çuar në konfuzion dhe akuza për një “skandal kombëtar” se Home Office kishte shtyrë rregullat e emigracionit.

Mala Savjani, një avokate e emigracionit për bamirësinë ‘Here For Good’ me bazë në Wilson Solicitors LLP, ka raportuar se ka pasur aplikime nga të mitur të pashoqëruar që janë ndalur dhe nuk janë vendosur, veçanërisht ato që janë dorëzuar në gjysmën e dytë të marsit, ku vendimet për aplikimet që kishin bërë ata do ishin të pritura nga rregullat e emigracionit.

Ajo shtoi se Home Office qëllimisht nuk po i merr ato vendime, sepse ata nuk kanë vendosur në të vërtetë se si të merren me ato aplikime.

Një zëdhënës i qeverisë përmendi “shqetësimet e mbrojtjes” si arsyeja pse të miturit e pashoqëruar nuk po miratohen për skemën.

“Për shkak të shqetësimeve të mbrojtjes, të miturit e pashoqëruar kanë të drejtë vetëm sipas skemës ‘Homes for Ukraine’ nëse ata ribashkohen me një prind ose kujdestar ligjor në MB”, thuhet në një deklaratë.

LEXONI GJITHASHTU

• Mbretëria e Bashkuar: Qyteti i Kreminës nën kontroll nga forcat ruse
• Mbretëria e Bashkuar pretendon se Rusia ka përdorur armë kimike në Ukrainë