Japonia njofton për shkëputje graduale nga nafta ruse

Japonia po planifikon të reduktojë varësinë e saj nga importet e naftës nga Rusia.

Ministri japonez i Tregtisë dhe Industrisë, Koichi Hagiuda tha se varësia nga burimet ruse të energjisë do reduktohen në një moment të dytë për dëmtimin e tregtisë së naftës me këtë vend.

“Tani nuk mund të refuzojmë importin e naftës ruse, por jemi të gatshëm të braktisim gradualisht varësinë nga burimet ruse të energjisë, duke gjetur burime alternative të furnizimit”, tha Hagiuda.

Kryeministri Fumio Kishida, kishte folur më herët për dëshirën e Japonisë për t’iu bashkuar vendeve të tjera të G7 në vendimin e tyre për të ndaluar importet e naftës ruse.

Hagiuda konfirmoi se qeveria japoneze do të njoftojë detaje rreth afateve kohore dhe hapat e nevojshme për të reduktuar furnizimet me energji nga Rusia, raporton agjensia Anadolu.

Muajin e kaluar, Japonia njoftoi planet për të hequr gradualisht importet e saj të qymyrit nga Rusia, ndërsa kërkon furnizues të tjerë mes sanksioneve në rritje ndaj Moskës.

Japonia varet nga importet për pothuajse të gjitha burimet e saj energjetike, pavarësisht se është konsumatori i pestë më i madh i energjisë në mbarë botën. Rreth 3 për qind e importeve totale të naftës së Japonisë vijnë nga Rusia.

LEXONI GJITHASHTU

• Zelenski kritika Perëndimit: Nafta ruse e paguar me para gjaku
• Sa e rëndësishme është nafta ruse dhe çfarë rekordi mund të kapin çmimet?