Alibeaj: Mazhoranca nuk mund ta zgjedhë e vetme presidentin

Deputeti Enkelejd Alibeaj ka deklaruar mazhoranca nuk mund të zgjedhë e vetme Presidentin me votat e deputetëve “non grata”.

Ai nënvizoi se ka të drejtë opozita që të propozojë emra për presidentin dhe se në emër të PD-së ia ka përcjellë PS-së qëndrimin për zgjedhjen e presidentit.

“Kemi rënë dakord jo vetëm të marrim pjesë në proces por në një proces real, ashtu siç figura e presidentit e do. Ne jemi ofruar mbi të gjitha për të pasur një proces, një proces i sinqertë i bazuar në kritere, në procedurë është garancia e parë e domosdoshme , që duhet të simbolizojë unitetin e popullit. Ja kam përcjellë qëndrimin e PD-së mazhoranës. Nuk e ka maxhoranca ajo për të zgjedhur e vetme presidentin. Nuk mund të bëjë lojëra Edi Rama. E drejta për të propozuar i takon opozitës. Ne kemi propozuar kritere.  Duhet të jetë një president anti-komunist”, u shpreh Alibeaj.

Deputeti tha se nuk mund të vaprojmë pas emrave pa vendosur disa kritere.

Raundi i parë në Kuvend për zgjedhjen e presidentit të ri pritet të mbahet më 16 maj.

Por, kreu i Grupit Parlamentar të PS-së, Taulant Balla deklaroi pas takimit me Mesila Dodën dhe Fatmir Mediun se janë vendosur piketa për zgjedhjen e presidentit të ri, por ende nuk ka një emër konkret.

Ndërsa, Fatmir Mediu tha se deri të hënën nuk mund të ketë një emër për president.

LEXONI GJITHASHTU:

• Mediu: Deri të hënën s’besoj se do ketë kandidat për president
• PS ende pa një emër për presidentin e ri