Faton Klinaku: Dënimi i ish-krerëve të UÇK-së, i njëanshëm

Për Faton Klinakun, sekretar të OVL-UÇK vendimi për dënimin e Hysni Gucatit dhe Nasim Haradinajt ishte i njëanshëm.

Sipas tij duhej hetuar prokuroria për dosjet që kanë rrjedhur nga zyrat e tyre, sidoqoftë ata e prisnin një dënim të tillë duke marrë parasysh trupën gjykuese.

Klinaku u shpreh se që prej fillimit ajo gjykatë është konsideruar politike, për aq kohë sa ende nuk është bërë asnjë hetim se nga rrodhën ato dosje.

Qëllimi i vetëm i tyre, sipas Klinakut ka qenë vërtetim ii pafajësisë së ish-drejtuesëve të UÇK-së të cilët po akuzohen mbi bazën e të dhënave nga disa dosje të marra nga dëshmi me shantazhe nga pala serbe.

Dhomat e Specializuara të Hagës shpallën fajtorë Drejtuesit e Organizatës së Veteranëve të Luftës së Ushtrisë Çlirimtare të Kosovës (OVL-UÇK), Hysni Gucati dhe Nasim Haradinaj, duke i dënuar me 4 vjet e gjysmë burgim, të mërkurën.

LEXONI GJITHASHTU:

• Gjykata e Hagës dënon Haradinajn dhe Gucatin me nga 4 vjet e gjysmë burgim