Jo vetëm vrasje, Nuredin Dumani rrëfen 6 grabitje me armë

Nuredin Dumani ka rrëfyer edhe 6 grabitje që ka kryer me Talo Çelën dhe persona të tjerë në periudhën kohore 2012- 2017.

Ata janë autorë të grabitjes me armë dhe dhunë të shtetasve Xhemal Liçi, argjendarit Lirak Bajraktari, shtetasve Hamit Haxhia, Astrit Ademi, Hamdi Sharka, kambistit Shyqëri Shala, në qytetet Elbasan, Shijak Kavajë dhe Berat.

“Grabitja e parë që kam bërë ka qenë tek një argjendari në Elbasan, në fund të vitit 2010 fillim 2011. Ka qenë 8.3 kg flori si dhe 30 ora ose diçka më shumë ”, ka rrëfyer bashkëpunëtori i drejtësisë Nuredin Dumani.

Në dosjen e siguruar nga gazetari Eni Ferhati ai tregon edhe për një tjetër grabitje.

“Grabitja e 2 ka qenë po me të njëjtët persona në Kavajë në vitin 2011. Ishte një kambist në dalje të Kavajës ”, është një pjesë tjetër nga rrëfimi i Dumanit.

“Grabitja e rradhës ishte po në Shijak dhe informacionin për personin e kishte shtetasi Dorjan Shkoza. Ngjarja ka ndodhur po në vitin 2013. Personi që kishte servisin ishte nga Shijaku dhe kishte një benz C Class, ngjyrë gri, i vitit 2005 dhe jepte lekë me fajde”, rrëfen ai më tej.

Dumani u arrestua mbrëmjen e 29 marsit në Fier, pak pasi kishte marrë mjekim për plagosje në shpinë nga tre mjekë në një shtëpi private.

Dyshohet se Dumani mbeti i plagosur gjatë një atentati që kishte organizuar kundër Talo Çelës, një tjetër person i shumëkërkuar.

Ai është cilësuar si një nga personazhet më të rrezikshëm në Shqipëri, i akuzuar për një seri ngjarjesh kriminale.

LEXONI GJITHASHTU:

• Dumani hap ‘kutinë e Pandorës’, cilat krime rrëfeu?
• 1 milion euro për 1 vrasje të dyfishtë, thotë gazetari Ferhati
• Nuredin Dumani bashkëpunëtor i drejtësisë? SPAK lëshon 32 urdhër-arreste