Manja kallëzon në SPAK drejtoreshën e Agjencisë së Trajtimit të Pronave

Ministri i Drejtësisë Ulsi Manja ka kallëzuar në SPAK drejtoreshën e Agjencisë së Trajtimit të Pronave, Jonida Baçi si e përfshirë në skema abuzimi.

Manja pasi dha detaje nga skema e korrupsionit të zbardhur nga hetimi disa mujor nga njësia Antikorrupsion, u shpreh se tani është koha e SPAK që të kryejë hetime.

“Abuzime në Agjencinë e Trajtimit të Pronave. Hetimi disa mujor nga Njësia Anti-Korrupsion. Kallëzimin do e depozitoj në SPAK. Tani e ka SPAK në dorë të thellohet. Ish-pronarët të dëmtuar në këtë skemë abuzimi. Në skemën e kompensimit financiar ka dyshime për abuzime dhe korrupsion, duke nisur nga niveli drejtues”, u shpreh Manja në një konferencë për mediat.

Ministri tha se në këtë hetim janë të përfshirë edhe zyrtarë të tjerë.

“Pas një hetimi të gjatë të kësaj njësie, zyrtarja më e lartë e Agjencisë së Trajtimit të Pronave,  drejtori i kompensimit financiar në këtë agjenci dhe një zyrtar tjetër, rezultojnë të implikuar në veprimtari abuzive përmes skemash abuzive, të cilat dyshohet fort se kanë prodhuar korrupsion domethënës”, tha Manja.

LEXONI GJITHASHTU:

• Manja: Të hetohen gjyqtarët dhe prokurorët e shkarkuar apo të dorëhequr
• Ulsi Manja: Drejtësia e re të hetojë Berishën për 21 Janarin dhe Gërdecin