Struktura e re e PD-së, kush kandidon për nënkryetarë dhe sekretarë

Pas zgjedhjes së kryesisë së PD të drejtuar nga Sali Berisha, të premten mblidhet Këshilli Kombëtar për të zgjedhur strukturat drejtuese.

Gazetari i Euronews Albania, Ardit Hoxha shpjegoi se struktura e PD-së së drejtuar nga Berisha ndryshon nga ajo e drejtuar nga Basha e Alibeaj duke nisur që nga nënkryetarët.

PD e Alibeajt ka 4 nënkryetarë. Sipas statutit të ndryshuar PD e Berishës ka 2 nënkryetarë. Sipas burimeve kanë shprehur interes për të kandiduar për postin e nënkryetarit Oerd Bylyklbashi, Luçjano Boçi dhe Agron Shehaj.

Për postin e sekretarit të përgjithshëm, nga burime bëhet me dije se është vetëm emri i Flamur Nokës.

“Veç Bylykbashit, që e ka konfirmuar publikisht kandidimin për nënkryetar, të tjerët s’e kanë konfirmuar. Është përfolur edhe Belind Këlliçi dhe Ivi Kaso, por asnjë prej tyre nuk e ka pranuar publikisht”, shpjegoi gazetari Hoxha.

Kryesia do të mblidhet edhe një herë për të përcaktuar se çfarë do të votojë Këshilli Kombëtar të premten.

LEXONI GJITHASHTU:

• Humbjet e PD-së për shkak të udhëheqjes së dështuar, thotë Berisha
• Mblidhet Këshilli Kombëtar i PD-së, Berisha: Jemi opozita e vërtetë