RENEA kontrolle të befasishme në Elbasan e Peqin

Forcat speciale RENEA kanë kryer kontrolle në Elbasan dhe Peqin paraditen e së enjtes.

Aksioni është zhvilluar në kuadër të operacionit “Plumbi i Artë” nga ku u arrestua Nuredin Dumani  dhe disa të tjerë.

14 persona të shpallur në kërkim pritet të arrestohen nga ky operacion. Mes tyre është dhe një nga personat më të kërkuar në Shqipëri, Talo Çela.

Gjatë operacionit “Golden Bullet” (Plumbi i Artë),  të zhvilluar nga SPAK dhe Policia e Shtetit u goditën 8 grupevkriminale në vend më 19 maj.

Policia e Shtetit arriti të ekzekutonte vetëm 18 urdhra arresti, nga këta 9 ishin persona të cilët gjenden aktualisht në burg.

AMP po heton nëse ka pasur dekonspirim gjatë operacionit për arrestimin e 32 personave, mes të cilëve dhe një punonjës policie.

Hetimet e SPAK erdhën mbi dëshminë e Nuredin Dumanit, i cili ka treguar krime të rënda të ndodhura vitet e fundit në Shqipëri.

Të paktën 12 ngjarje kriminale, vrasje dhe atentate të parealizuara janë zbardhur nga dëshmia e tij para prokurorëve të SPAK.

LEXONI GJITHASHTU:

• Operacioni ‘Golden Bullet’, SPAK në ‘sitë’ pasuritë e 32 personave
• Polumbarët e RENEA-s kontrollojnë anijen ku u zbulua 59 kg kokainë