Vuçiç: Nuk kemi dëgjuar se qëllimi i dialogut me Kosovën është njohja reciproke

“Nuk kemi dëgjuar asnjëherë nga vendet e Bashkimit Europian se njohja reciproke është qëllim i dialogut mes Beogradit dhe Prishtinës”.

Kështu u shpreh presidenti serb Aleksandar Vuçiç pas takimit me kancelarin gjerman Olaf Scholz në Beograd.

Vuçiç theksoi se do të bëjë më të mirën për të bërë progres me dialogun, por artikulimi për njohje reciproke të dy vendeve ishte surprizë.

Ndërkaq, Scholz theksoi në Beograd se qëndrimi i Gjermanisë për çështjen e Kosovës është i qartë dhe i njohur prej vitesh dhe shtoi se është e nevojshme që “të gjithë në proces të bëjnë përparim”.

Kosova është për një marrëveshje me Serbinë që duhet të përfshijë njohjen reciproke, ndërsa Beogradi kërkon zgjidhje kompromisi.

LEXONI GJITHASHTU

• Vuçiç pas takimit me Scholz: Kërkoi që Serbia të vendosë sanksione ndaj Rusisë
• Serbia synon anëtarësimin në BE, Scholz: Të respektojë sanksionet ndaj Rusisë