31-vjetori i PS, Rama falënderon Nanon dhe patronazhistët

Kreu i Partisë Socialiste, Edi Rama ka shprehur falënderim për liderin historik të socialistëve, Fatos Nano me rastin e 31-vjetorit të themelimit të PS.

Rama në një urim në rrjetet sociale, ka falënderuar edhe ‘patronazhistët’, strukturë elektorale brenda PS.

PS është themeluar më 13 qershor 1991, pas ndryshimit të emrit nga Partia e Punës së Shqipërisë në Partia Socialiste e Shqipërisë.

Në kongresin e 10-të PPSH-së ku u vendos për ndryshimin e emrit, drejtimin e partisë e mori Fatos Nano.

Ndonëse, Nano konsiderohet lideri histori i PS, në 31 vite, kryetari më jetëgjatë tashmë është Rama.

Nano, i cili është zgjedhur disa herë në krye të PS dhe disa herë kryeministër, u largua nga drejtimi i PS pas humbjes së zgjedhjeve në 2005.

Prej atij viti dhe deri tani, PS drejtohet nga Edi Rama, i cili gjatë 17 viteve ka pasur disa herë përplasje të forta me ish-kryeministrin Nano.