Është e nevojshme të flasim me Putinin, thotë kancelari Scholz

Kancelari gjerman Olaf Scholz tha se është absolutisht e nevojshme vijimi i komunikimit me presidentin e Rusisë, Vladimir Putin.

Scholz tha ai do të vazhdojë të flasë me Shefin e Kremlinit, pasi paqja me Ukrainën nuk mund të arrihet në formë tjetër, shkruan CNN.

“Ka disa vende dhe disa liderë të nevojshëm, që flasin me të. Është e nevojshme që komunikimet të jenë të qarta, sepse kur flas me Putinin, them ndoshta të njëjtat gjëra që ju thashë. Ju lutemi kuptoni se nuk do të ketë paqe të diktuar ”, tha Scholz.

Sipas Scholz, Rusia duhet të tërheqë trupat e saj dhe të gjejë një marrëveshje, e cila duhet të jetë e pranueshme dhe e drejtë për popullin ukrainas.

Ndërsa, presidenti ukrianas, Volodimir Zelenski ka paralajmëruar se Rusia do të intensifikojë sulmet ndaj vendit të tij, teksa Kievi ka aplikuar për të qenë vend kandidat në Bashkimin Europian.

Vendet anëtare të unionit do të vendosin brenda kësaj jave në lidhje me këtë dhënien e statusit, pas rekomandimit pozitiv nga ana e Komisionit Europian

LEXONI GJITHASHTU

• Bllokimi i grurit ukrainas nga Rusia përbën krim lufte, sipas Borrell
• Zelenski paralajmëron intensifikim të sulmeve nga Rusia