Ballkani i Hapur është mjeti për të zbatuar Procesin e Berlinit, thotë Rama

Kryeministri Edi Rama thotë se nisma rajonale Ballkani i Hapur, është mjeti për të zbatuar Procesin e Berlinit.

Gjatë një fjalimi në Forumin Europian Wachau për temën “Ruajtja e së ardhmes së Europës dhe zgjerimi i BE, zhvilluar në Vjenë të Austrisë, Rama u shpreh se zbatimi i katër lirive të Europës, është mënyra sesi vendet e Ballkanit Perëndimor do të bashkëpunojnë me njëri-tjetrin.

“Që bashkëpunimi të jetë norma dhe 4 liritë e Europës, lëvizja e njerëzve, mallrave, kapitalit dhe shërbimeve të jetë mënyra sesi ne jetojmë me njëri-tjetrin. Ndoshta ju keni dëgjuar që ky quhet Procesi  i Berlinit. Ne duam ta zbatojmë, për këtë kemi ndërtuar mjetin e quajtur Ballkani i Hapur. Ballkani i Hapur është pikërisht ky mjet për të zbatuar Procesin e Berlinit dhe kjo është ajo se çfarë do të bëjmë”, theksoi kreu i qeverisë.

Në nismën Ballkani i Hapur marrin pjesë tre vende të Ballkanit Perëndimor, Shqipëria, Serbia dhe Maqedonia e Veriut.

Jashtë kësaj nisme janë ende: Kosova, Mali i Zi dhe Bosnjë e Hercegovina.

LEXONI GJITHASHTU

• Rama ironizon BE-në: Shpresoj që Ukraina të mos mbetet kandidate për 117 vite
• Rama: Bullgaria, shprehja finale e frymës së deformuar të zgjerimit