Sulmi me 2 të vrarë në Norvegji terrorizëm islamik, thotë policia

Një 42-vjeçar është arrestuar dhe akuzuar për vrasje, tentativë vrasjeje dhe akte terroriste pas të shtënave në qendër të kryeqytetit të Norvegjisë, Oslo.

Dy persona vdiqën dhe 21 u plagosën herët të shtunën në atë që policia e quajti një akt të terrorizmit islamik.

Të shtëna pati edhe pranë London Pub, një lokal i njohur LGBTQ+, klubi i xhazit Herr Nilsen dhe një lokal tjetër.

Kryeministri i Norvegjisë i tha BBC-së se i dyshuari u mor në pyetje në maj, por nuk u konsiderua si kërcënim në atë kohë.

“Tani duhet të shohim rezultatin e një hetimi”, tha kryeministri Jonas Gahr Stoere në programin Newshour të BBC-së të shtunën vonë.

Të shtënat nisën rreth orës 01:15 me orën lokale të së shtunës, thanë zyrtarët.

Dëshmitarët okularë thanë se i dyshuari nxori një armë nga çanta e tij dhe filloi të qëllonte, duke i detyruar njerëzit e tmerruar ose të hidheshin në tokë ose të iknin.

Sulmuesi u arrestua nga oficerët e policisë, të cilët u ndihmuan nga kalimtarët e rastit, disa minuta më vonë. Në vendngjarje u gjetën nga policia dy armë, njëra prej tyre automatike.

LEXONI GJITHASHTU:

• Delegacioni i talebanëve pritet me protesta në Norvegji
• 2 të vrarë e dhjetëra të plagosur, arrestohet autori i sulmit terrorist në Oslo