Princi Charles ‘pranoi valixhen me 1 milion euro’ nga sheiku i Katarit

Princi i Uellsit pranoi një valixhe që përmbante një milion euro para nga një ish-kryeministër i Katarit, ka raportuar Sunday Times, shkruan BBC.

Gazeta thotë se ky ishte një nga tre donacionet në të holla nga Sheikh Hamad bin Jassim, në total tre milionë euro.

Clarence House tha se donacionet nga sheiku iu kaluan menjëherë një prej bamirësive të princit dhe u ndoqën të gjitha proceset e duhura.

Sipas Sunday Times, Princi Charles mori tre dhurimet në para personalisht nga ish-kryeministri midis viteve 2011 dhe 2015.

Pretendohet se në një rast paratë janë dorëzuar në dollap në një takim në Clarence House. Në një tjetër, gazeta raportoi se paratë mbaheshin në valixhe.

Fondet u morën nga Fondi Bamirës i Princit të Uellsit, qëllimi i deklaruar i të cilit është “të transformojë jetët dhe të ndërtojë komunitete të qëndrueshme”, duke dhënë grante për kauza të mira në fusha të tilla si arsimi, shëndetësia dhe përfshirja sociale.

LEXONI GJITHASHTU:

• Mbretëresha Elizabeth, monarkja e dytë në botë për jetëgjatësinë në fron
• Mbretëresha Elizabeth me probleme shëndetësore, ‘refuzon’ ceremoninë