Droni që mund të gjobisë shoferët deri në 8 mijë lekë

Dronët që po përdor policia rrugore mund t’ju gjobisin deri në 8 mijë lekë.

Gazetari Eni Ferhati tregon se cilat jane akset urbane qe po monitorohen dhe shkeljet që janë vënë në ‘lupë’ në kryeqytet.

“Ka një mungesë totale të kulturës së disiplinës në rrethrrotullim, pra kujt duhet t’i japësh përparësi, do duhet t’i japësh përparësi dhe pse duhet t’i japësh përparësi”, thotë Specialisti i Trafikut Urban në Tiranë, Gerhard Baka.

Konstatimi vjen pak ditë pasi, policia rrugore e Tiranës po përdor disa dronë të quajtur, ‘edukues’.

Por mospërparësia në rrethrrotullime nuk janë e vetmja shkelje në masë. Në kryqëzime, rezulton se nuk pritet radha.

“Ndonëse fluksi i trafikut ka rënë, ndonëse në semafor janë pak mjete, sërish tentojnë dhe janë predispozicion për të bërë shkelje rrugore kur futen në kryqëzim. Edhe pse në kryqëzim janë 3 mjete, vëmë re që një nga këto do të dalë i pari duke shkelur rregullat”, shprehet Baka.

Edhe këmbësorëve në vijat e bardha nuk i jepet përparësi, madje droni ka kontatuar se kjo shkelje kryet edhe nga mjetet e transportit publik, si taksitë.

“Neni 152 e ka përcaktuar qartë nga 1 deri 3 mijë lekë ndërsa në lidhje me mos dhënien e përparësisë në rrethrrotullim nga 5 mijë deri në 8 mijë lekë. Për mos dhënien e përparësisë së këmbësorëve kemi të bëjmë me një vlërë që është nga 500 deri në 2 mijë lekë”, theksoi specialisti Baka.

LEXONI GJITHASHTU

• ‘Dron edukues’ nëpër Tiranë për shoferët që shkelin rregullat
• 1610 gjoba dhe 683 patenta të hequra në 1 javë për shpejtësi mbi normën
• 224 gjoba në vit për boritë, shoferët e autoveturave më të pabindurit