Legalizimi i kanabisit, ekspertët: Procesi duhet monitoruar me kujdes

Brenda 30 nëntorit qeveria miraton zonat ose territoret ku do të mbillet kanabis për qëllime mjekësore.

Ky proces do të bëhet çdo vit në nëntor, sipas propozimeve që agjencia që do të monitorojë  kultivimin dhe përpunimin e kësaj bime narkotike, do të japë.

Bëhet fjalë për 150 hektarë në total në të gjithë vendin, të ndarë në sera 5-10 hektarëshe. Por sa i sigurtë është ky proces?

“Që nga këto kritere janë të përcaktuar njerëzit. Këto biznese nuk lulëzojnë në kanabisin mjekësor, por në kanabisin që jemi mësuar të shohim për konsumim. Duket si një gjë e kopsitur, duan ta lejojnë legalizimin e kanabisit, sikurse ndodh edhe me shumë tendera të tjerë që pothuajse janë të përcaktuara, edhe kjo do jetë në kuadrin e tyre”, thonë ekspertët.

Eksportin e bën vetëm kompania e licencuar për ta përpunuar kanabisin, e cila ka eksluzivitetin për 15 vjet. Ndërsa mbjelljen e tij mund ta bëjnë disa kompani që sigurojnë lejen 5 vjeçare për këtë process.

Para mbjelljes , korrjes e transportit duhet te njoftojnë policinë por dhe agjencinë e posaçme që monitoron gjithë procesin.

“Ndërhyrjes politike, biznesit, oligarkëve, nuk do jetë biznes i ndershëm. Eksizton mundësia e abuzimi. Kjo është edhe më e vështirë, flitet për vlera jashtëzakonisht të mëdha monetare”, thane ata.

Brenda 9 muajve nga hyrja në fuqi e ligjit, qeveria do të duhet ta plotësojë me akte nënligjore. Pro legalizimit të kanabisit mjekësor në këshillimin kombëtar votuan 61% e shqipatreve te pyetur.

LEXONI GJITHASHTU

• Legalizimi i kanabisit, Berisha: Rama zbaton doktrinën shkatërrimtare të Soros
• Krijohet agjencia për kontrollin, kultivimin dhe përpunimin e kanabisit
• Rama: Do legalizojmë kultivimin e kanabisit mjekësor