Qëlloi me armë ndaj fëmijëve pas sherrit të të birit, dorëzohet 49-vjeçari

Është vetëdorëzuar në polici autori i ngjarjes së pazakontë të ndodhur të hënën pasdite në Shkodër.

Agron Mehmeti ka shkuar të sqarojë sherrin mes djalit të tij dhe bashkëmoshatarëve.

Situata ka agravuar dhe 49-vjeçari ka nxjerrë armën dhe ka shtënë në drejtim të një grupi adoleshentësh. Fatmirësisht nuk pati të lënduar.

“Specialistët për Hetimin e Krimeve në Komisariatin e Policisë Shkodër bënë ndalimin e shtetasit A. M., 49 vjeç, banues në lagjen “Guerrile”, Shkodër, pasi ditën e djeshme, ka qëlluar me armë zjarri pistoletë, për motive të dobëta, në drejtim të një shtetasi 13 vjeç, banues në lagjen “Perash”, Shkodër, i cili nuk ka marrë dëmtime”, sqaron policia.

LEXONI GJITHASHTU:

• Arrestohet 30-vjeçari në Fier, plagosi me thikë nënën e tij
• Si ndodhi sherri mes dy vëllezërve në Radhimë, arrestohet autori