A duhet një urdhër për inxhinierët, debat në komision për projektligjin e ri

A duhet apo jo një Urdhër Profesional për Inxhinierët? Kjo pyetje ka hapur debate pas kundërshtimeve të projektligjit që ka nisur të shqyrtohet në komisionet parlamentare.

“Ky urdhër nuk duhet, ne inxhinierët nuk kemi dakordësuar për të bërë një urdhër”, u shpreh Dëshira Mena, inxhiniere.

“Ky projektligj bie ndesh me interesat tona. Sot inxhinierët po mendojnë të lenë Shqipërinë, do ketë kontroll pas kontrolli, provim pas provimi, themi se do shtrembërojë konkurrencës sot që është e lirë”, tha Devis Hasalami, inxhinier hidroteknik.

Projektligji i propozuar nga deputetja Luljeta Bozo përcakton se pas diplomimit, çdo inxhinier për të ushtruar profesionin e  tij do duhet të regjistrohet në urdhrin e Inxhinierit. Po ashtu është i detyruar të kujdeset për përditësimin e vazhdueshëm të kompetencave profesionale.

“Me këtë urdhër do duhet të paguajë kuotë vjetore, pak a shumë 70 mijë lek në vit. Arsimi i lartë është me zgjedhje, ndërsa profesioni është edukim me detyrim”, u shpreh Doriana Musai, urbaniste.

Në të gjithë Shqipërinë ka rreth 8 mijë inxhinierë.

LEXONI GJITHASHTU:

• Hapen dosjet, 71 zyrtarë pjesë e ish-Sigurimit të Shtetit
• Rriten me 6% pagat e mësuesve në sistemin parauniversitar