Ambasadorja Kim pro protestës: E rëndësishme të jetë paqësore

Ambasadorja amerikane, Yuri Kim shprehet se është e drejta e të gjithë qytetarëve që të protestojnë.

Këtë deklaratë ambasadorja e bëri në një aktivitet që po mban Dhoma Amerikane e Tregtisë, ku nënvizoi se më rëndësi është të zbatohet ligji dhe protesta të jetë paqësore.

Sot në orën 19:00 do të zhvillohet në bulevardin “Dëshmorët e Kombit” protesta e opozitës e thirrur nga Sali Berisha. Mësohet se Partia Demokratike ka kërkuar 2 orë leje në policinë e Tiranës.

Mbi 1000 efektivë të policisë do të jenë të angazhuar në terren mes të cilëve forca të rendit, të Ndërhyrjes së Shpejtë, repartit Shqiponja dhe punonjës të Gardës.

Ashtu si në protesta e tjera, do të ketë një kordon policie para Kryeministrisë, ndërsa Forcat e Ndërhyrjes së Shpejtë do të qëndrojnë në mbikëqyrje të situatës dhe në gatishmëri për çdo rast.

Qe prej orës 16:00 kanë nisur kufizimet në qarkullimin rrugor në bulevardin “Dëshmorët e Kombit”, Rruga “Xhorxh Bush” dhe pjesërisht rruga “Zhan Dark”.

LEXONI GJITHASHTU:

• Deputeti mbështetës i Bashës merr pjesë në protestën e thirrur nga Berisha
• ‘Berisha do të flasë i fundit’, agjenda e protestës së sotme