Rama dhe Veliaj po mbajnë peng PS-në me paratë e inceneratorëve, thotë Këlliçi

Edi Rama dhe Erion Veliaj po mbajnë peng Partinë Socialiste me paratë e inceneratorëve.

Kështu u shpreh deputeti demokrat, Belind Këlliçi gjatë fjalës së tij në protestën e sotme, të thirrur nga Partia Demokratike.

Sipas tij, ata fshihen edhe pas Komitetit të Ekspertëve dhe Bordit të Transparencës.

“Kjo bandë e cila sot është në krye të qeverisë, është dhe pronarja e vërtetë e inceneratorëve, ata janë ndërtuesit e vërtetë të kullave. Investitorët strategjiikë janë ata të dy, Edi Rama dhe Erion Veliaj. Nuk ka fare komitet ekspertësh dhe as bord çmimesh. Janë këta të dy të cilët e kanë blerë peng Partinë Socialiste me paratë e lejeve të ndërtimit dhe po e mbajnë sot peng me paratë e inceneratorëve” theksoi Këlliçi.

Sipas tij, kryeministri Edi Rama ka frikë nga qytetarët ndaj ai nuk ndodhet në godinën e Kryeministrisë.

Këlliçi shtoi se Shqipëria e vërtetë ka aromën e varfërisë dhe nuk është ajo që propagandohet nga qeveria.

LEXONI GJITHASHTU

• LIVE – Nis protesta e opozitës, Berisha iu bashkohet protestuesve
• Shehaj: Ne jemi shumica, të tjerë do na bashkohen
• Berisha për Euronews Albania: Protesta do të jetë e fuqishme