U futën në pus për ta pastruar, ndërron jetë 38-vjeçari në Mallakastër

Një 38-vjeçar në Mallakastër ndërroi jetë i asfiksuar pasi u fut brenda pusit të ujit për ta pastruar.

Burime zyrtare nga policia lokale thonë se ngjarja ndodhi rreth mesditës të së dielës në fshatin Lofkënd.

Shtetasit Bledar Bregu, 33 vjeç dhe Besnik Veliaj, 38 vjeç kanë qenë duke pastruar pusin kur janë rrëzuar brenda tij.

Në vendngjarje shkuan shërbimet e Policisë dhe forcat e zjarrfikëse të cilët bënë të mundur nxjerrjen e dy shtetasve nga pusi me shenja jete, por 38-vjeçari Besnik Veliaj ka ndërruar jetë rrugës për në spital.

Burime bëjnë me dije se dy personat janë futur në pus me pompë benzine dhe nga tymi janë asfiksuar, pasi kanë qëndruar brenda gati 1 orë e gjysmë në pus.

Sipas informacioneve edhe punonjësi MZSH Mallakastër që bëri të mundur nxjerrjen e trupave ka probleme në rrugët e frymëmarrjes por jashtë rrezikut për jetën.

LEXONI GJITHASHTU:

• Aksident në aksin Kapshticë-Bilisht, një i vdekur dhe një i plagosur
• Humb jetën 40-vjeçari nga një aksident në afërsi të TEG