Kryetari i opozitës premton 100 milionë euro subvencione për bujqësinë

Kësaj here kreu i opozitës u ndal në Zall Bastar, në një takim me fermerët e zonës. Këta të fundit shprehen shqetësimin se kanë probleme me infrastrukturën dhe me faktin se nuk marrin asnjë mbështetje nga qeveria pasi kostot e aktivitetit bujqësor janë të larta.

Për këto probleme kreu demokrat Basha premtoi se do të arrihet një zgjidhje me ardhjen e Partisë Demokratike në pushtet.

“Është kriminale t’iu marrësh çdo muaj taksat e tarifat qytetarëve dhe në ditën e tyre më të vështirë t’i braktisësh. Ne do të marrim të gjitha vendimet për t’iu mundësuar fermerëve të punojnë dhe të fitojnë përmes punës së tyre”, tha Basha.

Ndër të tjera Basha u shpreh se plani i tij ekonomik parashikon 100 milionë euro subvencione në vit për fermerët shqiptarë, që prodhimi i tyre të rritet dhe fitimet të jenë të kënaqshme.