Vettingu, Kurti: I gatshëm për takime me partitë politike

Kryeministri i Kosovës, Albin Kurti ka deklaruar në seancën e sotme plenare se duhet të bëhet ndarja mes Byrosë Shtetërore për Verifikimin dhe Konfiskimin e Pasurisë së Pajustifikueshme dhe procesit të vetingut.

Kurti nënvizoi se është i gatshëm që të vazhdojë edhe më shpesh takimet me krerët e subjekteve politike për Vettingun në drejtësi.

“Është e domosdoshme që të kemi sa më shumë konsultime edhe si subjekte politike. Përveç kësaj, duhet ta bëjmë ndarjen e qartë të gjërave që nuk janë të njëjta. Byroja Shtetërore për Verifikimin dhe Konfiskimin e Pasurisë së Pajustifikueshme dhe vetingu në sistemin e drejtësisë nuk janë e njëjta gjë. I vetmi efekt është që të shtyhet Byroja Shtetërore dhe ky është gabim, pra vetingu në drejtësi dhe byroja shtetërore për verifikimin dhe konfiskimin ka të bëjë me gjithë zyrtarët shtetërorë, e tjetra vetëm me sistemin e drejtësisë. Për sistemin e drejtësisë ku duhet të ketë veting jemi dakorduar dhe unë jam i gatshëm t’i vazhdojmë edhe më dendur takimet me krerët e subjekteve politike”, ka thënë Kurti.

LEXONI GJITHASHTU:

• “Mashtrues”, Milaim Zeka kundër Albin Kurtit: Marrëveshja është e Thaçit
• Kosova dhe Serbia arrijnë marrëveshjen për energjinë