Von der Leyen: RMV duhet të ndërmarrë tani hapin vendimtar për të ecur përpara

Presidentja e Komisionit Evropian, Ursula Von der Leyen deklaroi se tanimë është momenti që Maqedonia e Veriut të ndërmarrë hapin vendimtar për të ecur përpara në rrugën e integrimin europian.

Përmes një njoftimi në Twitter, Von der Leyen u shpreh e lumtur që ndodhet sot në Shkup dhe theksoi se Maqedonia e Veriut eshtë një partner i besueshëm i Bashkimit Evropian.

“Jam i lumtur që jam sot në Shkup. Maqedonia e Veriut është një partner i vërtetë dhe i besueshëm. Njerëzit e Maqedonisë së Veriut kanë treguar përkushtimin e tyre ndaj vlerave të BE-së. Ata meritojnë të shohin vendin e tyre duke ecur përpara në rrugën e anëtarësimit. Hapi vendimtar për të ecur përpara duhet bërë tani”, shkroi Von der Leyen në Twitter.

I’m glad to be in Skopje today.⁰
North Macedonia is a true and reliable partner.

The people of 🇲🇰 have shown their commitment to EU values.⁰
They deserve to see their country move forward on the path to membership. ⁰
The decisive step forward is now for 🇲🇰 to take. pic.twitter.com/yOkRpQmRSH

— Ursula von der Leyen (@vonderleyen) July 14, 2022

Parlamenti në Maqedoninë e Veriut voton sot propozimin francez per hapjen e negociatave.

Deputetëve do t’u drejtohet me nje mesazh edhe Ursula Von der Leyen, ndërsa opozita ka paralajmëruar protesta para Kuvendit.

Von der Leyen u prit në një takim nga Ministri i Punëve të Jashtme të Maqedonisë së Veriut, Bujar Osmani, i cili e ka konsideruar vizitën e saj si të duhur.

LEXONI GJITHASHTU

• ‘Vizita e saj vjen në kohën e duhur’, Osmani takon Von der Leyen
• Propozimi francez, Kovaçevski-deputetëve: Veproni si përfaqësues të popullit
• RMV-ja voton sot propozimin francez, protestuesit në çadra para Kuvendit