Opozita gjermane: Shqipëria rrugë të gjatë për t’u bërë anëtare e BE-së

Shqipëria ka një rrugë të gjatë përpara, për t’u bërë anëtare e Bashkimit Europian. Ky është qëndrimi i opozitës gjermane, e cila përshëndet negociatat, por nuk lë pa përmendur kriteret e paplotësuara nga politika shqiptare.

Hapja e negociatave për Shqipërinë dhe Maqedoninë e Veriut janë përshëndetur nga përfaqësuesit gjermanë të CDU/CSU-së. Johan Whadepul, kryetar i grupit të punës për Ballkanin Perëndimor thotë se hapi i parë është hedhur, por kushtet e anëtarësimit janë aty.

“Për Shqipërinë, pavarësia e gjyqësorit, lufta ndaj korrupsionit dhe liria e shtypit, janë kritere për t’u përmbushur”, u shpreh ai.

Edhe Gunther Krichbaum, zëdhënës për politikën europiane nxit dy vendet të punojnë për të përmbushur misionin e tyre për anëtarësim në BE.

“Shqipëria dhe RMV të vazhdojne përpjekjet. Partitë në Shkup duhet të vazhdojnë rrugën europiane”, deklaroi ai.

Partia gjermane në opozitë, vlerëson Maqedoninë e Veriut për vendimin largpamës që mori për të miratuar propozimin e Emanuel Macronit.

LEXONI GJITHASHTU:

• Çfarë nënkupton hapja e negociatave me Bashkimin Europian?
• Von der Leyen: Shqipëria do të bashkohet me Mbrojtjen Civile Europiane