KE mund të hartojë raport të ri për pretendimet e Dick Marty

Asambleja e Këshillit të Evropës mund të vendosë që të përgatisë dhe të debatojë raporte për çfarëdo teme që bie në mandatin e këtij Këshilli.

Kështu ka deklaruar Këshilli i Evropës, për Radio Evropa e Lirë, nëse do ta marrë parasysh Rezolutën e Shqipërisë, e cila synon të hedhë poshtë akuzat për trafikimin me organe të qenieve njerëzore gjatë luftës në Kosovë, të cilat burojnë nga raporti i senatorit zviceran, Dick Marty.

“Procedura për parashtrim të mocioneve parashihet sipas rregullit të 25-të”, bëri me dije Këshilli i Evropës.

125 deputetë kanë votuar pro rezolutës që rrëzon raportin e Dick Marty për vrasje të njerëzve dhe trafikim organesh në Shqipëri dhe Kosovë.

Marty ka pretenduar se trafikimin e kanë kryer pjesëtarë të UÇK-së ndaj shtetasve serbë dhe kosovarë në veri të Shqipërisë, në periudhën pas përfundimit të luftës në Kosovë, kryesisht pas qershorit të vitit 1999.

Por, parlamenti shqiptar tashmë thotë se nuk ka prova dhe fakte për këto krime dhe ato duhet të konsiderohen si të pabaza nga të gjitha institucionet kombëtare e ndërkombëtare.

LEXONI GJITHASHTU