VIDEO | Drejt Krujës, itinerari që ndoqën autorët e antenatit të Laçit

Euronews Albania ka mundur të zbulojë itinerarin që ndoqën autorët e atentatit të djeshëm në Laç, ku humbi jetën Klisman Preçi dhe ngeli i plagosur Ylli Brahimi.

Autorët pasi kryhen atentatin në hyrje të një pallati në Laç, dyshohet se ata janë larguar me një mjet tip “Audi”, që më pas është gjetur i djegur në fshatin Borizanë të Krujës.

Gazetari Eni Ferhati bashkë me ekipin e Euronews Albania kanë mundur të sjellin pamjet edhe nga vendi ku u gjet mjeti i djegur.

Ngjarja ndodhi mbrëmë rreth orës 21:30 minuta në qytetin e Milotit.

Të shtënat kanë lënë të plagosur rëndë fillimisht në vend si 27-vjeçarin Klisman Preçin dhe 46-vjeçarin Ylli Brahimi.

Ata janë dy emra shumë të njohur për policinë pasi kanë qenë shënjestër të atentateve të mëparshme të cilat kanë dështuar.

Ylli Brahimi ndodhet në sallën e operacionit dhe nuk ka informacione rreth gjendjes së tij shëndetësore, ndërsa Klisman Preçi nuk ka mundur t’i shpëtojë plagëve të marra.

Atentati i ndodhur në Laç dyshohet se ka lidhje me atentatin e Fushë-Krujës.

Kjo për shkak se një prej shënjestrave të atentatit të sotëm, Ylli Brahimi njihej si krah dhe lidhje e Ervis Martinaj.

LEXONI GJITHASHTU:

• Breshëri automatiku drejt automjetit të blinduar, detaje nga atentati në Laç
• VIDEO | Si i shpëtoi atentatit një vit më parë i plagosuri në Laç