Regjistri i krimeve seksuale, gjoba për pedofilët që nuk japin të dhënat

Regjistri i krimeve seksuale i miratuar në kuvend ditën e enjte me 125 vota pro, pritet të parandalojë sulmet seksuale.

Në të, do të figurojnë të regjistruar personat që nga viti 1995, të cilët janë dënuar, kanë vuajtur dënimin.

Këta individë, tashmë do të duhet të raportojnë çdo lëvizje të tyren jashtë Shqipërisë, si dhe u hiqet e drejta për t’u punësuar në institucione private dhe shtetërorë, ku ka fëmijë. Pjesë e këtij regjistri do të jenë dhe shtetasit e huaj por që ndodhen në territorin e Republikës së Shqipërisë.

Por çfarë ndodh në rast se një i dënuar nuk kryen këto detyrime. Ata do të ndëshkohen me masa administrative dhe gjobë nga 500 mijë lekë deri në 1 milion në rast se refuzojnë të japin informacione per regjistrimin e tyre.

Çdo i dënuar do t’i hiqet e drejta për të udhëtuar jashtë vendit nga 6 deri në 12 muaj, si dhe nëse nuk mbajnë kontakte të vazhdueshme me komisariatin më të afër, do të pagujnë 300 deri në 700 mijë lekë gjobë.

Megjithatë ata kanë të drejtë të perfitojnë nga programet e rehabilitmit dhe integrimit. Nëse një i dënuar pretendon se regjistrimi ështrë i parregult ose në kundështim me ligjin mund t’i drejtohet gjykatës.

Të gjithë qytetarët, përmes portalit e-albania, do mund të kërkojnë, nëse dyshojnë se dikush pranë tyre, mund të jetë pedofil.  Në vendin tonë janë rreth 100 persona që kanë kryer dënimin për dhunë seksuale ndaj të miturve dhe që enden të lirë rrugëve.

LEXONI GJITHASHTU

• Regjistri për krimet seksuale, të dhënat e çdo pedofili do jenë të aksesueshme
• Miratohet Ligji për Regjistrin Kombëtar të të Dënuarve për Krime Seksuale
• PS-PD bashkojnë votat, regjistër për personat e dënuar për krime seksuale