Kina rrit paralajmërimin për SHBA-të në lidhje me Tajvanin

Kina ka lëshuar paralajmërime të ashpra për administratën e presidentit amerikan Joe Biden në lidhje me një udhëtim të mundshëm në Tajvan të kryetares së Dhomës së Përfaqësuesve të SHBA, Nancy Pelosi.

Raporti citoi gjashtë persona të njohur me paralajmërimet kineze që thanë se ato ishin dukshëm më të forta se kërcënimet që Pekini ka bërë në të kaluarën kur ishte i pakënaqur me veprimet ose politikën e SHBA-së ndaj Tajvanit, shkruan Reuters.

Këshilli i Sigurisë Kombëtare i Shtëpisë së Bardhë dhe Departamenti i Shtetit refuzuan të komentojnë mbi raportin.

Kina ka rritur aktivitetin ushtarak rreth Tajvanit duke kërkuar të bëjë presion mbi qeverinë e zgjedhur në mënyrë demokratike atje për të pranuar sovranitetin kinez.

Por qeveria e Tajvanit thotë se vetëm 23 milionë banorët e ishullit mund të vendosin për të ardhmen e tyre.

Tensionet midis Shteteve të Bashkuara dhe Kinës janë shtuar kohët e fundit në lidhje me qeverisjen e Tajvanit.

Kina thotë se Tajvani është një provincë e shkëputur që duhet të ribashkohet me të, edhe me forcë nëse është e nevojshme.

LEXONI GJITHASHTU

• Kina mund të sulmojë Tajvanin, sipas gjeneralit amerikan
• Austin: SHBA-ja do përpiqet që të shmangë një konflikt midis Kinës dhe Tajvanit
• Biden: SHBA do të mbronte ushtarakisht Tajvanin, në rast pushtimi nga Kina