Presidenti Bajram Begaj merr zyrtarisht detyrën

Do të jem shërbëtor i popullit tim, përfaqësues i unitetit tonë kombëtar. Ishte kjo deklarata e presidentit të ri të Republikës së Shqipërisë, Bajram Begajt.

Ai falënderoi Ilir Metën për përmbushjen e detyrës, ndërsa shprehu angazhimin e tij me përgjegjësinë që mban ndaj qytetarëve dhe partnerëve të Shqipërisë.

“Do të jem mbështetës i palëkundur i rrugëtimit euro-atlantik për të gjithë shqiptarët e Shqipërisë, Kosovës, Maqedonisë së Veriut, Malit të Zi, Luginës së Preshevës,” – deklaroi Begaj i cili çmoi dialogun, bashkëpunimin dhe debatin.

Presidenti i ri u zotua se në interesin e përbashkët mbetet konsolidimi i institucioneve e si rrjedhojë inkurajon çdo veprim për marrëdhënie të shëndosha mes institucioneve Kushtetuese.

Sa i takon konferencës së parë ndërqeveritare, Begaj tha se është një arritje e madhe e Shqipërisë dhe shqiptarëve. Sipas tij negociatat janë vetëm fillimi i një kapitulli të ri.

LEXONI GJITHASHTU:

• Bajram Begaj, gjenerali me karrierë 30-vjeçare në forcat e armatosura