Dosja për Metën, Braimllari: Mazhoranca tërheq vëmendjen nga inceneratorët

Sekretari Organizativ i Partisë së Lirisë, Endrit Braimllari thotë se dosja ku aludohet  se ish-presidenti ka qenë pjesë e ish-Sigurimit Shtetëror është e sponsorizuar nga mazhoranca.

Në një intervistë për “Euronews Albania”, Brahimllari u s hpreh se qeveria kërkon të tërheqë vëmendjen nga çështja e inceneratorëve.

“Në 32 vite tani e gjetën këta këtë informacion? Është e fabrikuar dhe e sponsorizuar nga mazhoranca. Tërheqin vëmendjen nga inceneratorët dhe merren me këtë çështje. Kanë hallin e tyre personal, janë për të shkuar në burg dhe do shkojnë në burg.

Do përballen me drejtësinë dhe paratë që i kanë marrë qytetarëve, do kthehen prapë në buxhetin e shtetit, sepse kanë bërë çmendurira. Qindra milionë euro abuzime, prandaj duhet kjo gjë që të harrohet çështja e inceneratorëve”, theksoi ai.

Ish presidenti Ilir Meta është politikani i lartë me inicialet I.M që figuron në dosjet e Sigurimit të Shtetit.

Autoriteti i Dosjeve e përmend atë me emër dhe mbiemër në dokumentin që i drejtoi Kuvendit ku i kërkon gjithashtu të ndryshojë ligjin, pasi sipas tij nuk mund të verifikohen figurat politike të verifikuara një herë nga komisioni Mezini e Bezhani.

Meta si politikan i hershëm, ka certifikatë pastërtie, por nëse do të verifikohej prapë, thuhet në dokumentin drejtuar kuvendit, rezultati do të ishte ndryshe. Vetë ish-presidenti e quan këtë një lojë të motivuar politikisht.

LEXONI GJITHASHTU

• Autoriteti i Dosjeve: Palët e prekura të kërkojnë informacion në rrugë ligjore
• Zbardhet shkresa, Ilir Meta pjesë e dosjeve të ish-Sigurimit të Shtetit