Shifrat/ Shqipëria ende larg nivelit optimal të dhurimeve të gjakut

Shqipëria mbetet ende larg nivelit optimal të dhurimeve të gjakut. Në bilancin e fundit të bërë nga Qendra Kombëtare e Trensfuzionit të Gjakut për 6 mujorin e parë të këtij viti, rezulton se jenë regjistuar mbi 18 mijë dhurime.

Por a mjaftojnë këto dhurime për të plotësuar kërkesën e madhe që kanë qendrat e mëdha spitalore universitare në Tiranë por edhe strukturat e tjera?

Drejtori i qendrës Kombëtare të Transfuzionit Kristo Rraca në një prononcim për Euronews Albania thotë se kjo shifër e dhurimeve duhet të rritet ende.

“Në 6 muajorin e  parë të këtij viti u bënë 10 mijë e 140 dhurime të gjakut në rang kombëtar. Kjo shifër në krahasim me 3 vite më parë është më e lartë, por sigurisht nevoja për gjak rritet çdo ditë,” tha Rraca për Euronews Albania.

Rraca thotë gjithashtu se numri më i madh i dhurimeve është në Tiranë.

“Nga 18 mijë dhurime në total, 11 mijë janë kryer në kryeqytet ndërsa pjesa tjetër në rrethe. Në qytete është më e vështirë fushata.”

Fushata e dhurimeve si dhe apeli i mjekëve shkon për dhurimet vullnetare kryesisht tek mosha aktive dhe tek studentët në universistete që të dhurojnë dhe të bëhen pjesë  e nismave  të tilla.

Ndërkohë bilanci i vitit 2021 u mbyll me 35 mijë dhurime vullnetare në rang komëbëtar, por që sërish nuk e plotësuan nevojën e spitaleve dhe fëmijëve talasemikë.