Yuri Kim: Besimi i SHBA-ve të Shqipëria nuk është lëkundur
Në aktivitetin e mbajtur në Tiranë me rastin e 100-vjetorit të vendosjes së marrëdhënieve diplomatike mes dy vendeve, ambasadorja amerikane Yuri Kim tha se besimi i Shteteve të Bashkuara te Shqipëria nuk është lëkundur.
Gjatë fjalës së saj, Kim u shpreh se SHBA-të ishin krenarë për Shqipërinë kur ra diktatura komuniste, si dhe për procesin e integrimit, me anëtarësimin në NATO dhe hapjen e negociatave me Bashkimin Evropian.
“SHBA kurrë nuk është lëkundur nga besimi për një Shqipëri të pavarur dhe sovrane. Ne kurrë nuk jemi lëkundur nga të besuarit tek ju. Ishim krenarë kur ju mbështetëm kur ju këputët vagonjtë e diktaturës komuniste në vitin 1991, krenarë që mbështetëm aplikimin tuaj për t’u anëtarësuar në NATO në vitin 2009.
Krenarë të festojmë me ju teksa filluat zyrtarisht negociatat brenda familjes europiane. Shtetet e Bashkuara nuk janë lëkundur kurrë dhe nuk do të lëkundemi kurrë nga mbështetja e aspiratave të popullit shqiptar për sovranitet, demokraci, begati dhe drejtësi”, theksoi dipomatja.
Në këtë aktivitet, ishin të pranishëm edhe ish-presidentë, ndër to edhe Ilir Meta.
Marrëdhëniet diplomatike Shqipëri-SHBA kanë nisur më 28 korrik 1922, pak muaj pas përfundimit të Konferencës së Paqes në Paris, ku presidenti amerikan Wilson doli në krah të shqiptarëve.
Këto marrëdhënie patën një ndërprerje prej 52 vitesh gjatë pushtimit italian dhe regjimit komunist për t’u rivendosur sërish më 15 mars 1991 me përmbysjen e regjimit dhe vendosjen e demokracisë.
LEXONI GJITHASHTU
Kryefaqja
Lamallari për ngjarjen në Maliq: Do të bëhet vlerësim i plotë dhe do të merren masat e duhura
Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
Strazimiri përplaset me Lëvizjen Bashkë për protestën: 70% e qytetarëve ishin demokratë
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur