Reciprociteti për targat, Vuçiç: Jam i shqetësuar

Presidenti i Serbisë, Aleksandër Vuçiç është shprehur i shqetësuar për vendimin e qeverisë së Kosovës, në prag të zbatimit të reciprocitetit për targat, që fillon më 1 gusht.

Sipas Vuçiç, Kosova kërkon krizë dhe të krijojë probleme, shkruan Euronews Serbia.

“Me çfarë baze? Ku shkruan? Shkruan në kokën e kryeministrit të Kosovës Albin Kurti dhe të vendeve të Quint-it SHBA-së, Mbretërisë së Bashkuar, Gjermanisë, Italisë, Francës, sepse për to, Kosova është shtet”, u shpreh presidenti serb ndër të tjera.

Të gjitha makinat me targa të lëshuara nga autoritetet serbe, duhet të riregjistrohen me targa të Republikës së Kosovës.

Ministria e Brendshme e Kosovës bëri të ditur pak ditë më parë, se regjistrimi i makinave do të nisë nga data 1 gusht dhe të zgjasë deri më 30 shtator.

Bashkimi Evropian, si ndërmjetësues i dialogut Kosovë-Serbi, ka thënë se Kosova ka të drejtë t’i zëvendësojë targat

LEXONI GJITHASHTU

• Nga 1 gushti, nis regjistrimi i targave ilegale në “RKS” në Kosovë
• Kurti thirrje serbëve: Regjistroni automjetet me targa RKS
• Serbia kundër BE-së: Kosova nuk ka të drejtë të heqë targat