Skeleti i dinozaurit shitet në ankand për mbi 6 mln dollarë

Një skelet i rrallë dinozauri i është shitur në SHBA një blerësi të panjohur për pak më shumë se 6 milionë dollarë.

Skeleti u ofrua nga Sotheby’s dhe u shit në ankandin e historisë natyrore të shtëpisë së ankandeve në New York City të enjten.

Fosili është ai i një Gorgosaurus – një i afërm i largët i Tyrannosaurus rex famëkeq dhe vdekjeprurës – që u zbulua në vitin 2018.

Blerësi anonim do të ketë mundësinë unike për t’i dhënë një pseudonim grabitqarit të dikurshëm.

Kjo është hera e dytë që një skelet i fosilizuar dinozauri nxirret në ankand nga Sotheby’s. Më herët një T-rex me nofkën Sue, iu shit Muzeut Field të Çikagos në 1997 për 8.36 milionë dollarë.

Gorgosaurus pritej të tërhiqte oferta deri në 8 milion dollarë.

LEXONI GJITHASHTU:

• Gazetari rus nxjerr në ankand medaljen Nobel në ndihmë të fëmijëve Ukrainas
• Mercedesi i rrallë i 1955 shitet në ankand me çmim rekord