Kreu i OMONIA-s: Pushteti kërkon të na zhvatë pronat për klientët e vet

Përfaqësues i OMONIA-s, shoqatës që mbron të drejtat e minoritetit grek, Fredi Beleri thotë se vendimi i qeverisë për të shpallur zonë të mbrojtur nga Gjiri i Llamanit të Qeparo synon t’u grabisë pronat.

Për Euronews Albania, Beleri tha se mosregjistrimi i pronave në Himarë ka si qëllim që këto prona të zhvillohen nga bizneset dhe jo pronarët legjitim.

“Interesi i qeverisë është të marrë këtë pasuri dhe t’ia japë klientëve të vet, ose oligarkëve siç i thoni ju. Sistemi komunist u hoqi banorëve vendas pasurinë dhe pas demokracisë tokat akoma s’na janë regjistruar. Kjo është një ambicie e qeverisë që nuk fshihet, të mos marrin tokën e tyre pronarët legjitimë”, tha kreu i OMONIA-s.

Sipas krerëve të minoritetit grek, për këtë vendim ka pasur menjëherë ankesë edhe nga autoritetet e Greqisë, ndërkohë që sipas Dules dhe Belerit çështja do të shkojë në Gjykatën Ndërkombëtare të Strasburgut.

LEXONI GJITHASHTU:

• ‘Po na grabiten pronat’, himarjotët në protestë kundër vendimit të qeverisë