Dy viktima në pak orë, Hajdarmataj: Policia ka dështuar në aspektin e parandalimit

Ish-drejtuesi i policisë, Arben Hajdarmataj thotë se Policia e Shtetit ka dështuar në aspektin e parandalimit të ngjarjeve kriminale, duke iu referuar vrasjeve në Elbasan dhe Sarandë.

Në një intervistë për “Euronews Albania”, Hajdarmataj u shpreh se policia nuk po arrin që të kontrollojë territorin.

“Jemi në dy raste ku kemi të bëjmë me konfklite të tjera, për motive të dobëta. Pjesa më e dobët që unë vazhdoj ta theksoj është pjesa e parandalimit, që Policia e Shtetit nuk po arrin që të kontrollojë territorin. Marrim rastin e Elbasanit, autori kishte një pistoletë ose ja dërguan kaq shpejt, në aspektin e parandalimit, unë gjithmonë theksoj që Policia e Shtetit është e dështuar. Kjo për shumë faktorë të ndryshëm dhe kryesisht unë them është për shkak të humbjes së besimit, Policia e Shtetit nuk është më e besueshme te qytetarët dhe brenda strukturave të saj”, theksoi Hajdarmataj.

Dy ngjarje të rënda tronditën vendin mbrëmjen e së mërkurës.

Në Sarandë, një 41-vjeçar u vra nga një 24-vjeçar, pas një konflikti për parkimin, ndërsa në Elbasan, një 20-vjeçar u qëllua për vdekje pas një konflikti të çastit për motive të dobëta.

LEXONI GJITHASHTU

• Vrasja e 41-vjeçarit në Sarandë, arrestohet edhe punëdhënësi i autorëve
• 25-vjeçari u qëllua me pistoletë pas konfliktit të çastit, detaje nga vrasja