Të përfshirë në një vrasje në 2019-ën, kush ishin dy viktimat e atentatit në Vlorë

Shpati Lena dhe Hakim Xhezo janë viktimat e atentatit të ndodhur paraditen e së enjtes në Panaja të Vlorës.

Ata janë emra të njohur për policinë, pasi janë përfshirë më parë në aktivitetet kriminale.

Gazetari i “Euronews Albania” Eni Ferhati ka siguruar vendimin e Gjykatës së Vlorës që liroi nga qelia nje nga viktimat e sotme, Shpati Lenan.

Lena ishte arrestuar në mars të këtij viti me dy persona të tjerë Ariel Kingjin dhe Kristi Drollin, ndërsa ishin duke lëvizur me automjet në zonën e Ujit të Ftohtë.

Ata ishin të dyshuar për ngjarjen e ndodhur në 4 gusht 2019 në Plazhin e Vjetër, ku mbeti i vrarë Arben Beqiraj dhe u plagosur djali i tij dhe një i afërm i tyre.

Gjykata e Vlorës vendosi masën e sigurisë ‘arrest me burg’, për Ariel Kingjin dhe Kristi Drollin, ndërsa vendosi masën “detyrim paraqitje” për Shpati Lenën. Në këtë ngjarje, është përfshirë edhe Hakim Xhezo i cili gjithashtu u la i lirë.

Vrasja ndodhi rreth orës 09:30 në autostradën Fier-Vlorë, teksa në drejtim të automjetit të tyre u qëllua me breshëri plumbash, nga një tjetër automjet në lëvizje.

Në vendngjarje kanë mbërritur edhe hetues nga Drejtoria e Krimeve të Rënda në Policinë e Shtetit.

Burime nga grupi hetimor, bëjnë me dije se paraprakisht ka dyshime se kemi të bëjmë me vrasje me pagesë.

LEXONI GJITHASHTU

• Dyshime për 3 autorë, gjenden 20 gëzhoja, detaje nga atentati në Vlorë

• Zbardhet vrasja në Sarandë, sherri për parkimin i mori jetën 41-vjeçarit
• Detaje nga vrasja në Elbasan, sherr për motive banale