Përfundon raundi i parë i takimit Kurti-Vuçiç në Bruksel

Raundi i parë i bisedimeve mes kryeministrit të Kosovës, Albin Kurti dhe presidentit të Serbisë, Aleksandër Vuçiç ka përfunduar.

Takimi u realizua me ndërmjetësimin e Përfaqësuesit të Lartë të Bashkimit Evropian, Josep Borrell dhe të dërguari të posaçëm për dialogun, Miroslav Lajçak.

Në ndërtesën e BE-së ku po zhvillohet dialogu ka mbërritur edhe i dërguari i Shteteve të Bashkuara për Ballkanin Perëndimor, Gabriel Escobar.

Pala amerikane edhe pse nuk merr pjesë në dialog, mbështet plotësisht përpjekjet e Bashkimit Evropian në procesin e normalizimit të marrëdhënieve ndërmjet Serbisë dhe Kosovës.

Ndërsa, ditën e djeshme, Kurti dhe Vuçiç patën takime të ndara në Bruksel me Sekretarin e Përgjithshëm të NATO-s, Jens Stoltenberg.

Në konferencën për shtyp, Kurti u shpreh se nuk do të tërhiqet nga reciprociteti, ndërsa Stoltenberg deklaroi pas takimit me Vuçiçin, se KFOR-i është gati të ndërhyje nëse rrezikohet siguria në veri të Kosovës.

LEXONI GJITHASHTU

• Kurti dhe Vuçiç takohen sot në Bruksel

• Kurti takon Stoltenberg: S’tërhiqemi nga reciprociteti, po zbatojmë ligjin

• Stoltenberg pas takimit me Vuçiç: KFOR gati të ndërhyjë nëse rrezikohet siguria