Mjeku Sallabanda: Versioni i ri i lisë së majmunëve, më pak agresiv dhe infektues

Për mjekun Kita Sallabanda, lija e majmunëve nuk është shqetësuese, pasi kemi të bëjmë me një version të ri të virusit që është më pak agresiv dhe infektues.

Në një intervistë për “Euronews Albania”, Sallabanda tha se OBSH-ja kishte menduar se ky virus nuk do kthehej sërish, por gjithsesi sëmundja është e kontrollueshme.

“Nuk është shqetësues sepse është një gjeneratë e re e lisë, që është më pak agresive, më pak infektuese , me shenjat që mund të kontrollohet më lehtë. Organizata Botërore e Shëndetësisë, tani po e konsideron linë e majmunëve si një sëmundje e transmetimit seksual. Kryesisht janë ato raste të trasmetimit homoseksual midis meshkujve.

OBSH mendoi që lija është një sëmundje që nuk ekzistonte më në botë. Nuk kemi pasur përhapje në Evropë dhe nuk janë kryer vaksinime. Ne e kosniderojmë si një sëmundje që është e kontrullueshme”, theksoi Sallabanda.

Përhapja e lisë së majmunëve është shpallur një emergjencë globale shëndetësore nga Organizata Botërore e Shëndetësisë.

Klasifikimi është alarmi më i lartë që mund të lëshojë OBSH-ja dhe pason një rritje të rasteve në mbarë botën.

LEXONI GJITHASHTU

• Lija e majmunëve, Alimehmeti: S’ka vend për panik, transmetueshmëria e ulët
• Lija e majmunit, 95% e rasteve tek burrat gay, OBSH: Ulni numrin e partnerëve 
• Frika nga lija e majmunit, kompania gjermano-daneze rrit prodhimin e vaksinës