Ekskluzive| Dëshmia e banorit që ndihmoi ushtarët: U dëmtova edhe vetë

Euronews Albania ka siguruar dëshminë e një personi që kishte qenë prezent në momentin e ndalimit të shtetasit rus që tentoi të futej në uzinën e Gramshit.

Në një rrëfim për gazetarin Xhensil Shkëmbi, banori që kërkoi të mos identifikohej tha se shtetasi rus ishte ndjekur nga ushtarët deri në vendin ku ndodhej makina e tyre.

Ai tregoi se ishte gjendur në vendngjarje me të birin dhe i kishte kërkuar rusit të ndalonte, por në momentin kur ishte hedhur sprajin në drejtim të ushtarëve, ishte prekur edhe ai me të birin.

“Dëgjuam ca zhurma, ndal, ndal kur erdhi makina. Unë ndërhyra me idenë se kishin vjedhur ndonjë gjë. Në atë moment hodhën sprajin që na kapi dhe ne, mua dhe djalin tim. Ai rusi nisi të bërtiste. Ushtarët u dëmtuan në sy dhe në gjoks. Bashkë me një person tjetër ndërhymë për t’i shkëputur çantën këtij rusit, se nuk e lëshonte”, tha banori.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU:

• ‘Jemi fotografë’, zbardhet dëshmia e rusëve që tentuan të futen në uzinën e Gramshit
• ‘Makina e rusëve erdhi 2 herë’, banorja tregon çfarë ndodhi në Uzinën e Gramshit