‘Dënojmë incidentin me rusët në Gramsh’, reagon Albin Kurti

Kryeministri i Kosovës, Albin Kurti ka dënuar incidentin në Uzinën ushtarake në Gramsh ku dy shtetas me pasaporta ruse dhe një ukrainase kanë tentuar të hyjnë.

Përmes një komunikate për media, Kurti në emër të qeverisë, u ka dëshiruar shërim të shpejtë dy ushtarakëve shqiptarë të lënduar nga sulmi.

“Ministria jonë e Mbrojtjes, është në kontakt me Ministrinë e Mbrojtjes së Republikës së Shqipërisë. Urojmë që hetimet që po vijojnë nga autoritetet e Shqipërisë të zbardhin sa më shpejtë rrethanat e ngjarjes”, thuhet në njoftim.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Ata sulmuan me spray neuro-paralizues dy ushtarët shqiptarë që ndodheshin në uzinë.

Në dëshminë e tyre, shtetasit e huaj kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU

• 3 javë më parë u futën në Shqipëri të dyshuarit për spiunazh (Detajet)
• Ekskluzive | Pamje nga makina që përdorën rusët për të hyrë në uzinën në Gramsh
• Blogerë apo spiunë? Çfarë fotografuan rusët në Shqipëri