Dyshime për spiunazh| 5 zhvillimet kryesore të javës

• Fotografonin uzinën e armëve në Poliçan, arrestohen 4 shtetas çekë

Katër shtetas çekë janë arrestuar nga policia pasi janë kapur teksa fotografonin pranë uzinës së armëve në Poliçan.

Burime bëjë me dije se çekët u arrestuan nga policia ushtarake që ruan ambientet e ish-uzinës së armëve. Gazetari Eni Ferhati raportoi se 4 çekët janë duke u marrë në pyetje nga policia.

Lexoni për më shumë: Fotografonin uzinën e armëve në Poliçan, arrestohen 4 shtetas çekë

• Tre rusë sulmojnë ushtarët në uzinën e armëve në Gramsh

Një incident ka ndodhur në uzinën e armëve në qytetin e Gramshit këtë të shtunë.

Mësohet se 3 shtetas rusë kanë neutralizuar dy ushtarë të kësaj uzine, duke i lidhur. Ngjarja ka ndodhur teksa në qytet ka pasur një stuhi dhe rusët u vendosën brenda godinës.

Lexoni për më shumë: Tre rusë sulmojnë ushtarët në uzinën e armëve në Gramsh

• A është vrarë Ervis Martinaj? 10 ditë hetime, administrohen të dhëna kontradiktore

Prej 10 ditësh policia po verifikon disa të dhëna për zhdukjen e Ervis Martinaj.

Pista e parë që po hetohet është ajo e rrëmbimit me pasojë eliminimin fizik të personazhit të njohur të botës së krimit pas denoncimit të familjarëve të tij. Pista tjetër është ajo e një inskenimi të mundshëm me qëllim humbjen e gjurmëve.

Lexoni për më shumë: A është vrarë Ervis Martinaj? 10 ditë hetime, administrohen të dhëna kontradiktore

• Rrëzohet qeveria e Dritan Abazoviç në Mal të Zi

Pas dymbëdhjetë orë diskutimi, Kuvendi i Malit të Zi votoi mosbesimin ndaj qeverisë së Dritan Abazoviçit.

Qeveria është rrëzuar me 50 vota pro dhe një kundër. Pas këtij vendimi Abazoviç do të funksionojë në mandat teknik deri në zgjedhjen e qeverisë së re.

Lexoni për më shumë: Rrëzohet qeveria e Dritan Abazoviç në Mal të Zi

• Tjetër video/ Kryeministrja finlandeze vallëzime intime në një klub privat

Në Finlandë ka dalë një video e re që tregon kryeministren Sanna Marin të kryejë sjellje intime me një burrë, teksa vallëzon në dhomën e një klubi në Helsinki.

Episodi daton më 6 gusht, gjatë së njëjtës fundjavë kur u mbajt festa private e shfaqur në videon e parë. Disa media lokale bëjnë të ditur se ato ditë kryeministrja ishte në detyrë dhe nuk ia kishte kaluar pushtetin ministrit të Mbrojtjes, sikurse ka bërë në raste të tjera.

Lexoni për më shumë: Tjetër video/ Kryeministrja finlandeze vallëzime intime në një klub privat