Avni Delvina çel ekspozitën “Notre Drame de Tiran” në mbështetje të Teatrit Kombëtar

Artisti Avni Delvina çeli ekspozitën e tij personale “Notre Drame de Tiran” në ambientet e Teatrit Kombëtar. Kjo ekspozitë i dedikohet qytetarëve dhe artistëve në mbrojtje të këtij objekti kulturor prej gati dy vitesh.

Në mesin e 40 grafikave me mesazhe politike, Delvina paraqet personazhe publikë, të cilët vendosen ne kontekstin e çështjes së Teatrit.

Në çeljen e ekspozitës morën pjesë dhjetëra mbështetës të Teatrit, qytetarë, dashamirës të artit por edhe figura të njohura politike.

“Kam rreth dy muaj që punoj intensivisht për realizimin e kësaj ekspozite, duke krijuar një sërë punimesh të reja enkas për Teatrin Kombëtar, si dhe duke ripunuar e transformuar disa punime të publikuara më parë,”- shkruan Delvina në Facebook.

Ekspozita do të qëndrojë e hapur çdo ditë deri në datën 16 nëntor në oraret 10:00 – 13:00 dhe 17:00 – 20:00.