Basha në një fasoneri më Kombinat, diskuton planin për daljen nga kriza ekonomike

Kryetari i Partisë Demokratike, Lulzim Basha vizitoi sot një fasoneri në zonën e Kombinatit, ku foli për planin e daljes nga ‘krizë e thellë dhe si të shpëtohet ekonomia dhe shëndeti i njerëzve’.

Ai akuzoi kryeministrin Edi Rama se po bën lojë të pistë politike për hequr vëmendjen nga keqmenaxhimi i situatës së pandemisë.

“Edi Rama po provon çdo lojë të pistë politike për të hequr vëmendjen nga dështimi i tmerrshëm në menaxhimin e pandemisë dhe nga kriza ekonomike, që shqiptarët po e vuajnë çdo ditë dhe që po zbraz xhepat e tyre.

Ne nuk luajmë lojëra politike, ne po punojmë çdo ditë për nxjerrjen e vendit nga kriza ku e ka zhytur RAMAVIRUSI”, shkruan kryedemokrati përmes një postimi në Facebook.

Prej disa kohësh z. Basha ka ndërmarrë një tur në qytete të ndryshme të vendit, ku po prezanton planin ekonomik të PD për rimëkëmbjen e ekonomisë.

Lexoni gjithashtu:

Basha premton nga Devolli 100 milionë euro subvencione për fermerët shqiptarë

Basha në Korçë: Biznesi i vogël do të ketë vetëm 1 taksë, 0.5% e xhiros vjetore

Basha njeh pogradecarët me planin e Partisë Demokratike për ekonominë dhe taksat