Escobar: Kosova dhe Serbia të zotohen se nuk do të ketë dhunë

Të premten, i dërguari amerikan për Ballkanin Perëndimor, Gabriel Escobar deklaroi se qëllimi i vizitës së tij në Kosovë dhe Serbi këtë javë, është për të mbështetur përpjekjet e Bashkimit Evropian në gjetjen e zgjidhjes mes Kosovës dhe Serbisë për targat e makinave dhe dokumentet serbe.

Këtë deklaratë ai e bëri  në një konferencë për media në ambasadën amerikane në Beograd, ku nënvizoi se të dyja palët të zotohen se nuk do të ketë dhunë.

“Dialogu nuk është klinikisht i vdekur, unë nuk jam pjesë e dialogut, Shtetet e Bashkuara nuk janë pjesë e dialogut, por ne mbështesim dialogun e ndërmjetësuar nga Bashkimi Evropian. Shpresoj që deri në fund të muajit ne do të gjejmë rrugë për të vazhduar. Në të njëjtën kohë, dialogu do të vazhdojë. Të gjitha marrëveshjet do të duhet të zbatohen, përfshirë formimin e Asociacionit”, ka thënë ai.

“Ne u kemi thënë liderëve të Kosovës dhe Serbisë se ne presim që çështja e zbatimit të të gjitha marrëveshjeve ekzistuese të jetë në agjendën e takimit të radhës, ne nuk presim që të arrihet marrëveshje atëherë, mirëpo natyrisht që presim të jetë në agjendë”, shtoi më tej Escobar.

LEXONI GJITHASHTU:

• Lajçak vlerëson Vuçiç: Përpjekje të sinqerta për një zgjidhje evropiane
• Escobar: Kosova dhe Serbia të zotohen se nuk do të ketë dhunë
• Vuçiç optimist për kompromis me Kosovën: Të paktën për një pjesë të vogël