Aksioni i parë politik i Partisë së Lirisë do jetë referendumi, thotë Agim Nesho

Nënkryetari i Partisë së Lirisë, Agim Nesho thotë se aksioni i parë politik i kësaj force politike do të jetë rikthimi i referendumeve dhe llogaridhënies.

Në një intervistë për “Euronews Albania”, Nesho theksoi se Partia e Lirisë nuk ka për qëllim ardhjen në pushtet dhe shtoi se shqiptarët duhet ta kuptojnë se vendi ndodhet në rrezik për shkak të keqqeverisjes.

Sipas tij, referendumi është instrumenti më demokratik që mund të përdoret.

“Aksioni i parë i sPartisë së Lirisë është rikthimi nëpërmjet referendumeve dhe llogaridhënies i politikës së popullit, i cili përmes demokracisë direkte të ketë mundësi të qeverisë vendin. Të mos jenë politika të pakontrolluara, por të jenë politika të kontrolluara jo vetëm nga grupet e interesit, por direkt nga populli. Nuk është çështja thjesht e një alternative e një grupi për të ardhur në pushtet. Nuk po luftohet për pushtet. Për të gjithë shqiptarët, sot duhet të jetë e qartë, Shqipëria është në rrezik. Referendumi është instrumenti më demokratik që njeh demokracia, si sistem politik”, u shpreh Nesho.

LEXONI GJITHASHTU

• Blushi akuza qeverisë: Shqipëria radhitet e para në rajon për numrin e të burgosurve
• Koçi: Meta ka bashkëpunuar me anëtarë të shërbimeve sekrete
• ‘Rama korrupsion me ujësjellësin e Memaliajt’, Meta tregon sa vite burg rrezikon